Wever: Algemeen Investerings en Ontwikkelingsfonds ta permiti inversion publico planifica riba varios aña

ORANJESTAD — Minister di Finansa, Geoffrey Wever, a enfatisa importancia di Algemeen Investerings- en Ontwikkelingsfonds (AIOF) como instrumento pa Aruba planifica, financia y ehecuta inversionnan publico riba varios aña, cu mas control y transparencia.

E fondo, estableci pa ley dia 9 di juli 2026, ta permiti financia proyectonan den infrastructura, vivienda, enseñanza, energia, resiliencia climatico y diversificacion economico. E recursonan por bini di presupuesto di Aruba y contribucionnan externo, incluyendo Hulanda y Union Europeo.

Segun Wever, proyectonan mester wordo evalua riba nan viabilidad, costo, sostenibilidad y beneficio pa comunidad prome cu aproba financiamento.

AIOF lo cay bou administracion di Departamento di Finansa, cu control di Centrale Accountantsdienst y reportenan semestral na Parlamento, cu copia pa CAft. Despues di cinco aña, efectividad di e ley mester wordo evalua.

“E fondo no ta e meta final. E inversion y e resultado pa Aruba ta e meta”, Wever a declara.

E minister a subraya cu exito di AIOF lo depende di calidad di e proyectonan y e resultadonan concreto pa comunidad.