ARUMIL ta habri reclutamento pa hobennan di 18 te 27 aña

ORANJESTAD — Hobennan di Aruba entre 18 y 27 aña por inscribi un biaha mas pa e programa di entrenamento militar di Aruba, despues cu Defensa Region Caribe a habri un campaña nobo di reclutamento.

Den e periodo benidero, lo tin sesionnan di informacion na scolnan, participacion di militarnan Arubano na ferianan di carera y otro actividadnan pa yuda hobennan haya un mihor idea di e entrenamento y di e posibilidadnan di trabou den Defensa.

ARUMIL ta un unidad operacional bao mando di Comandante di Forzanan Naval den Region Caribe. E personal por wordo desplega pa e tareanan nucleo di Defensa den Caribe y ta sirbi como ambtenaar di Aruba mientras nan ta poni na disposicion di CZMCARIB.

Registracion ta habri te cu fin di december via e website di Werken bij Defensie.