- Front Page
- Politica
- Local
- Internacional
- Deporte
- Analisis
- Investiga
- Live
- LenguahePapiamento
- Sospechoso di 15 aña deteni despues cu dos hoben a wordo hinca
- Nelson Oduber ta sostene Otmar Oduber, pero no ta refuta base di sentencia
- Mas cu 170 studiante ta debati tocante Aruba y Reino
- Gobierno ta usa deposito di SVb pa refinancia debe na costo mas abao
- Aruba y Colombia ta explora oportunidad comercial nobo
- Sospechoso di 15 aña deteni despues cu dos hoben a wordo hinca
- Nelson Oduber ta sostene Otmar Oduber, pero no ta refuta base di sentencia
- Mas cu 170 studiante ta debati tocante Aruba y Reino
- Gobierno ta usa deposito di SVb pa refinancia debe na costo mas abao
- Aruba y Colombia ta explora oportunidad comercial nobo
Trump ta pidi paisnan bandona Corte Penal Internacional
NEW YORK — Presidente Donald Trump a uza Asamblea General di Nacionnan Uni pa pidi tur 125 estado miembro retira for di Corte Penal Internacional (CPI) na Den Haag. Segun Trump, Merca nunca lo acepta cu militarnan of ciudadanonan mericano wordo investiga of procesa pa un tribunal cu, segun e, no tin hurisdiccion.
Merca no ta miembro di CPI, pero e Corte por investiga ciudadanonan mericano pa delitonan cometi den paisnan cu si ta miembro. Washington a impone sancion contra CPI, su huesnan y empleadonan relaciona cu e orden di detencion contra premier israeli Benjamin Netanyahu y investigacionnan tocante militar mericano na Afghanistan.
Trump no a anuncia sancion nobo durante su discurso, loke a trece alivio provisional. Sinembargo, segun medionan internacional, medida adicional ta prepara. Hulanda, como pais anfitrion di CPI, ta rechasa e sancionnan y ta uza diplomacia tras di cortina pa trata di evita escalacion.
Durante su discurso, Trump a critica Nacionnan Uni, defende reduccionnan den financiamento mericano y anuncia cu Merca lo cuminsa amplia su presencia militar na Groenland. E mandatario tambe a defende e guerra contra Iran y a pidi mas aislamiento economico di e pais.