Maersk ta subi costo pa importa container na Aruba te USD 1,000

ORANJESTAD — For di 15 di october 2026, Maersk lo aplica un tarifa nobo di USD 1,000 pa manipulacion na terminal pa tur container cu ta yega Aruba for di exterior. Pa container cu ta sali for di Aruba pa resto di mundo, e cargo lo ta USD 360.

E aumento ta aplica tanto pa container seco como reefer y, segun Maersk, ta consecuencia di costonan mas halto relaciona cu puerto y operacion.

Pa Aruba, e cambio ta importante paso gran parti di e productonan cu ta wordo consumi riba isla ta yega via importacion maritimo. Un aumento den costo di manipulacion di container por subi gastonan logistico pa importadonan y, dependiendo di con e costonan wordo pasa pa cliente, por eventualmente refleja den prijs di producto.

Maersk ta indica cu e estructura nobo di tarifa lo drenta na vigor dia 15 di october 2026 y lo keda valido te ora tin un otro cambio.

E tarifa nobo ta:

Aruba pa resto di mundo: USD 360 pa container.

Resto di mundo pa Aruba: USD 1,000 pa container.

E tarifanan ta conta pa tur container dry y reefer.