100 fanatico di Corsou por biaha cu seleccion pa Costa Rica

WILLEMSTAD — Cien fanatic di Corsou lo por biaha hunto cu e seleccion nacional pa Costa Rica pa e partido di Concacaf Nations League contra Costa Rica, diahuebs 24 di september.

Corendon, den colaboracion cu FFK, ta organisa un biahe special. E fan-nan ta sali diaranson 23 di september den e mes avion cu hungadornan y staff di seleccion y ta bolbe Corsou diabierna mainta, 25 di september.

E partido lo tuma luga na Estadio Ricardo Saprissa Aymá na San José y ta importante pa Corsou den lucha pa avansa den Nations League 2026/27 y clasifica pa Gold Cup 2027.

E pakete ta costa 1.800 florin pa persona y ta inclui vuelo ida y buelta, un anochi di hotel cu desayuno, entrada pa e partido y transporte entre aeropuerto, hotel y estadio.