Aruba, Corsou y Sint Maarten no ta entre cinco ruta principal di cocaina pa Hulanda

WILLEMSTAD — Aruba, Corsou y Sint Maarten no ta entre e cinco punto principal di transito pa cocaina cu destino Hulanda, segun investigacion riba fluho internacional di droga presenta durante e reciente Consulta Hudicial di Cuater Pais na Corsou.

E ministronan di Husticia a bisa cu e resultado ta duna un imagen mas balancea di e papel di e islanan Caribense den trafico internacional di cocaina. Sinembargo, lucha contra trafico di droga ta keda prioridad, y Guardacosta Caribense lo sigui cu operacionnan contra contrabando di narcotico y migracion ilegal.

Durante e consulta, Aruba, Corsou, Sint Maarten y Hulanda a acorda tambe pa fortalece cooperacion den lucha contra criminalidad organisa, prevencion di criminalidad hubenil y mihor coordinacion di personal y recurso den cadena di husticia.

Cooperacion entre islanan CAS y BES den brandweer, maneho di desastre y crisis lo sigui pa otro tres aña. E proximo Consulta Judicial di Cuater Pais ta programa pa juni 2027 na Boneiro.