Na Corsou huez ta prohibi Kortijn di conecta su marca cu LOVERS

WILLEMSTAD — Kortijn Ice Company tin 14 dia pa para cu uso di e marca LOVERS y cu publicidad cu crea un conexion cu e anterior productonan di Lovers.

Corte a determina cu expresionnan manera “same LOVE”, “made with LOVE” y “LOVE ICE”, y tambe cierto uzo di e simbolo di curason, no por sigui wordo usa si nan crea asociacion cu LOVERS. Si Kortijn viola e orden, e por paga 5.000 florin pa dia, te un maximo di 500.000 florin.

E caso ta forma parti di un conflicto mas grandi rond di derecho riba marca LOVERS despues di bancarota di e compania y venta di su activo na Kortijn.

Corte no a determina ainda ken ta e doño definitivo di marca LOVERS. E punto ey ta sigui bao procedimiento na Merca.