Dick Advocaat ta keda entrenador di Corsou te 2027

WILLEMSTAD — Dick Advocaat ta keda entrenador nacional di Corsou te cu 31 di juli 2027. Federacion di Futbol di Korsou (FFK) y e entrenador Hulandes di 78 aña a yega na un acuerdo pa prolonga nan cooperacion.

Segun FFK, e decision ta busca continuidad, stabilidad y trankilidad rond di seleccion nacional, The Blue Wave.

Cu e extension, ta pone fin na lunanan di incertidumbre tocante futuro di Advocaat. E entrenador a conduci Corsou pa un logro historico, calificando como e pais mas chikito cu nunca a yega na un fase final di Copa Mundial.

Advocaat a bisa cu e ta disfruta traha cu e grupo y cu e kier sigui construi riba loke nan a logra hunto. FFK, pa su parti, ta destaca experiencia, conocemento y liderazgo di Advocaat como motibonan principal pa continua cu ne.

Un parti importante di e actual staf tecnico lo keda involvi, mientras federacion ta bisa cu lo sigui inverti den desarrollo di entrenadornan local y den un organisacion tecnico mas fuerte.

Advocaat lo anuncia su seleccion diabierna 11 di september pa e proximo partidonan di CONCACAF Nations League contra Costa Rica, Nicaragua y Trinidad y Tobago.