Prijs di diesel y kerosin ta subi fuerte; gasolin casi nada

ORANJESTAD — Entrante 9 di september 2026, prijs di diesel y kerosin na Aruba lo subi significativamente, mientras gasoline lo registra solamente un aumento chikito.

Gasoline unleaded-premium lo subi cu 0,9 cen, di Afl. 2,909 pa Afl. 2,918 pa liter. Diesel ULS, sinembargo, lo subi cu 23,7 cen, di Afl. 2,863 pa Afl. 3,100 pa liter, mientras kerosin lo yega na Afl. 2,756 pa liter, un aumento di 19,0 cen.

E aumento nobo ta particularmente notable pa diesel. Na augustus caba, diesel a subi cu 29,7 cen, mientras gasoline a aumenta cu 25,1 cen. Cu e ajuste nobo di september, diesel ta acumula un aumento di 53,4 cen pa liter den apenas dos luna, pasando for di aproximadamente Afl. 2,566 na juli pa Afl. 3,100 awor.

Pa gasoline, e situacion ta otro. Despues di e subida fuerte di 25,1 cen na augustus, e prijs di september practicamente ta keda estable, cu solamente 0,9 cen di aumento adicional.

Minister di Finansa, Asunto Economico y Sector Primario a anuncia e prijsnan nobo, cu ta inclui BBO, BAZV y BAVP. E ajuste ta drenta na vigor dia 9 di september.