Universidad di Aruba ta celebra 15 aña di Student Ambassador Awards

ORANJESTAD — Universidad di Aruba (UA) a celebra su 15 di Student Ambassador Awards, reconociendo studiantenan cu a destaca no solamente pa nan prestacion academico, sino tambe pa liderazgo, servicio, caracter y contribucion na universidad y comunidad Arubano.

E premiacion 2025-2026 a honra studiantenan di diferente facultad y departamento, entre otro Dayna Albertus, Sabrine Setrodjemino, Dieter Croes, Stephen Richards, Cendeline Boekhoudt, Derron de Mey, Damon Illes, Lianne Candelaria, Jurstin Paesch, Lucirene Tromp y Keon Dania. Nan a wordo destaca pa nan compromiso, apoyo na otro studiantenan y participacion activo den bida universitario y comunitario.

Durante e ceremonia, UA Music Club a wordo nombra Student Club of the Year 2025-2026. Ademas, Setar N.V. a dona Afl. 10.000 na Student Development Fund, cu ta sostene oportunidadnan academico y profesional pa studiantenan full-time, incluyendo conferencia, intercambio, internship y emprendemento social.

UA ta indica cu e premio ta forma parti di su vision pa prepara studiantenan no solamente pa nan carrera, sino tambe pa bira ciudadanonan activo cu por contribui na Aruba y mas aya.