DVG: Cuido adecuado di mascota ta obligacion di cada doño

ORANJESTAD — Duna un mascota e cuido cu e mester no ta un fabor, sino un responsabilidad. Un doño responsabel mester percura pa su animal tin cuminda di bon calidad, awa limpi, proteccion contra solo, yobida y biento, suficiente espacio pa move y cuido veterinario ora ta necesario.

Segun Hondenverordening y Regeling welzijn honden, falta di awa, hamber, heridanan sin tratamento of falta di espacio por indica cu e necesidadnan basico di e animal no ta wordo cumpli.

Doñonan mester observa nan mascota tur dia y presta atencion na cambionan den apetit, peso, comportacion, cuero, lana of forma di cana. Si un animal ta sufri, e situacion mester wordo raporta na autoridad competente.

Proteccion di animal ta un responsabilidad comparti y cuido diario adecuado ta parti esencial di bienestar di cada mascota.