Dowers: Prizon nobo ta bira necesidad; Aruba ta sigui explora cooperacion cu UNOPS

ORANJESTAD — Minister di Husticia Arthur Dowers ta sigui dialogo cu United Nations Office for Project Services (UNOPS) pa explora cooperacion den desaroyo di un prizon nobo na Aruba.

Durante un bishita na Corsou pa e Justitieel Vierlandenoverleg, Dowers a reuni cu Giuseppe Mancinelli, Deputy Regional Director for Latin America and the Caribbean di UNOPS.

E organisacion tin experiencia cu proyectonan coreccional, incluyendo e prizon nobo na Point Blanche, Sint Maarten, unda UNOPS ta brinda asistencia tecnico, maneho di proyecto y supervision.

Segun Dowers, condicionnan actual na KIA ta haci cu un institucion coreccional moderno ya no ta solamente un opcion, sino un necesidad. E dialogo cu UNOPS ta continua pa determina con e organisacion por contribui na e proyecto.