Homber perdi na Corsou, haya morto cerca di piedranan na Spaanse Water

WILLEMSTAD — Polis na Corsou ta investiga morto di un homber cu a wordo haya sin bida anochi cerca di e piedranan na Spaanse Water.

Famianan a alarma autoridad despues cu nan no por a localisa e homber. Polis y Coast Guard a inicia un buskeda y durante e operacion nan a haya su curpa.

Autoridad a tuma e curpa pa investigacion adicional y ta trata di determina con e homber a termina den laman y kico exactamente a causa su morto.

Segun e matutino Èxtra, lo por ta trata di un turista cu tabata keda den Spaanse Water y cu lo a bay tera cu un boto chikito. Polis ainda no a confirma e detayanan adicional aki oficialmente.

Investigacion ta continua y ainda no ta cla si tabata trata di un accidente.