Prijs di gasolin na Hulanda ta bati record, pero e automobilista ta sigui core

AMSTERDAM — E prijs aconseha pa un liter di gasolin na Hulanda a subi te na un record di 2,668 euro. E aumento ta principalmente consecuencia di escalacion nobo den e guerra rond di Iran y escasez creciente riba mercado internacional di energia.

Segun expertonan, hopi hende lo sigui usa auto apesar di e prijs halto, principalmente pasobra nan tin mester di auto pa bay trabou. Un di cada cuatro automobilista ya ta experimenta preocupacion financiero debi na prijs di combustible.

Experto ta spera cu e prijsnan lo keda halto pa algun tempo. Diesel ta costa actualmente alrededor di 2,640 euro pa liter, ainda bao di su record anterior.