Dos hende muhe a perde bida den accidente grave na Corsou

WILLEMSTAD – Dos hende muhe a perde bida durante un accidente grave di trafico na Corsou, den oranan di madrugada, na cruzada di Dominico ‘Don’ Martina Boulevard cu Schottegatweg-Zuid.

E victimanan ta Sharismar Rosalia Hous, di 40 aña, y Zaira A. Nepomuceno-Martis, di 64 aña. Ambos a nace na Corsou.

Segun polis, dos auto tabata envolvi den e accidente. E dos muhenan tabata den un di e vehiculonan, mientras tres persona tabata den e otro auto.

Ora personal di ambulance a yega, ambos muhe tabata den condicion critico y no tabata mustra señal di bida. Un dokter di polis a constata nan morto oficialmente.

Investigacion preliminar ta indica cu probablemente falta di duna preferencia a causa e accidente. Departamento di Trafico ta sigui investiga e circunstancianan exacto.

Polis no a duna informacion adicional ainda tocante condicion di e tres ocupantenan den e otro vehiculo.