Militarnan Francesnan a entrena na Corsou pa fortalece cooperacion militar

WILLEMSTAD – Un peloton militar Frances di Martinica a finalisa su entrenamiento na Corsou, cu enfoke riba fortalece cooperacion y capacidad pa actua hunto cu unidadnan militar den region.

E militarnan ta forma parti di 2e compagnie di 33e Régiment d’Infanterie de Marine (33 RIMa), basa na Fort Desaix na Martinica.

Durante nan estadia na Corsou, e peloton Frances a entrena hunto cu e bootpeloton y militarnan di CURMIL. E ehecicionan a inclui habilidadnan anfibio, transfer entre embarcacion na diferente velocidad y desembarco for di lama.

E entrenamiento a termina cu un scenario enfoca riba desplazamento y retirada rapido. Hunto cu CURMIL, nan a train tambe den e anterior Sint Elisabeth Hospitaal (SEHOS), practicando tacticanan pa operacion den area urbano.

Segun e organizadornan, e entrenamiento conhunto ta contribui na intercambio di conocemento y experiencia, mientras e ta fortalece relacion entre e partnernan militar den Caribe.

E cooperacion ta considera importante pa aumenta capacidad pa actua conhuntamente y pa sostene seguridad y estabilidad den region.