TEDx 2015 Aruba a presenta e posibilidadnan pa futuro

Posted on 09/23/2015 9:10 pm AST | Updated on 09/24/2015 10:12 am AST

ORANJESTAD – Den un sala practicamente yen na Cas di Cultura, un total di riba 10 orado a deleita esnan presente cu nan presentacion dirigi riba un of otro tipo di futuro cu ta spera nos. Cada uno, basa riba nan experticio. For di economista, na facilitadornan, te na un ingeniero di espacio. Tur a haya nan momento pa duna e miho di nan, y prepara esnan presente pa e futuro. Fuera di esey, a te hasta firma dos MOU, uno entre e compania accenda y gobierno di Aruba, y uno entre universidad di Aruba y e instancia 'Think'. 

ORADORNAN

Despues di un palabra di apertura di prome minister di Aruba Mike Eman, e oradonan tabata sigui otro, un tras di otro, cada uno papiando un maximo di entre 10 pa 12 minuut. Varia cu grafico y musica, nan tur a duna nan tur cu tin. Entre esnan cu a habri e anochi, tabata e conocido Varelie Croes, Edward Cheung y Vanessa Benlolo. Cu interaccion musical dirigi pa Datapanic Reforsa di Michael Lampe, completo cu e legendario Vicente Ras, e la duna e evento abstracto futuristico, un ambiente mas cultural arubano.

MAS PA WAK

Pafo, tabatin un sin fin di posibilidad di actividad, for di un subasta silencioso, expo, y mucho mas pa esnan presente. Na tur, e organisadonan di TEDx 2015, por mira riba un anochi exitoso y cu sigur mas di tipo di eventonan similar.

  • Powered by SETAR