Dr. Earney Lasten ta lansa buki nobo riba marketing cu IA

ORANJESTAD – Viamoon Press a anuncia lanzamiento di Algorithmic Marketing: Strategy, Trust, and Human Agency in Automated Markets, un buki nobo di Dr. Earney F. Lasten cu ta analiza con inteligencia artificial ta cambiando marketing, buskeda online y proceso di compra.

E buki ta enfoca riba un mercado unda motor di buskeda cada bez mas ta duna contesta directamente, anuncio ta wordo coloca automaticamente y agentenan di IA ta compara, dicidi y hasta cumpra na nomber di e consumidor.

Den 14 capitulo, Dr. Lasten ta presenta un framework cu ta combina strategia, confianza y control humano, cu enfasis riba unda hende ainda mester keda responsabel pa decisionnan importante den sistema automatisa.

E publicacion ta trata tambe analisis predictivo, contenido generativo, agente autonomo di marketing y cliente “machine”. E buki ta disponibel den paperback y hardcover, y tambe tin un edicion completo na Spaño.