Docternan di wowo ta alerta: mira eclipse solamente cu proteccion corecto

ROTTERDAM - Docternan di wowo ta alerta publico pa proteha nan wowonan durante e eclipse di solo di diaranson. Mira directamente den solo sin proteccion adecuado por causa daño permanente na retina, sin cu e persona sinti dolor na e momento.

Segun specialista di Oogziekenhuis Rotterdam, solamente un bril di eclipse cu norma ISO 12312-2 ta adecuado pa mira directamente den solo. Bril di solo normal, bril di las of otro metodo improvisa no ta ofrece suficiente proteccion.

Daño na retina por causa un mancha scur den campo visual of imagen distorsiona, y den algun caso e problema por keda permanente.

Dokternan di wowo tambe ta desaconseha mira e eclipse mediante CD, DVD, glas cu roet, negativo di fotografia, reflexion den awa of mediante pantaya di smartphone of camera.

Un alternativa sigur ta mira e eclipse indirectamente, por ehempel proyectando luz di solo mediante un buraco chikito den papel riba un muraya. Un vergiet por wordo uza tambe pa observa e cambio den forma di solo.