Marechaussee ta investiga accidente fatal di 13 september cu envolvimento militar

ORANJESTAD — Investigacion di e accidente grave di trafico di 13 di september, den cual un muher hoben a perde su bida, ta actualmente den man di Koninklijke Marechaussee (KMar) pa motibo di envolvimento militar den e caso.

Cuerpo Policial Aruba a inicia e investigacion inmediatamente despues di e accidente, pero posteriormente e caso a wordo pasa pa Marechaussee. E investigacion ta wordo hiba bou autoridad di un fiscal specialisa di Ministerio Publico di Aruba.

Marechaussee ta mantene contacto estrecho cu famianan di e victima via su recherche di famia, mientras Ministerio Publico ta comunica cu nan abogado.

E investigacion ta ainda den pleno marcha. Como parti di e proceso, un ekipo forensico specialisa den accidente di trafico a wordo treci Aruba pa examina, entre otro, e estado tecnico di e vehiculo envolvi.