Na Corsou, ex-voluntario di CITRO ta perde bida den accidente cu boto

WILLEMSTAD – Krik Parrel, un ex-voluntario y capitan pensiona di organizacion di rescate CITRO, a perde su bida diasabra den un accidente cu boto na entrada di Fuikbaai, na Corsou. El tabatin 83 aña.

Segun CITRO, e boto cu Parrel tabata abordo, a dal contra baranca y a cuminsa sink. E la bula den awa pa trata na mantene e boto for di e barancanan, pero a keda atrapa bou di e boto cu tabata zink. E la desaparece bou di awa y a fayece.

Su casa, cu tambe tabata abordo, a wordo rescata pa ocupantenan di otro boto di peska y hiba na un luga sigur.

Personal di Sandals Diving y un team di rescate di CITRO posteriormente a recupera e victima y hibe su curpa riba tera. CITRO a informa cu e rescatistanan cu a participa den e operacion a ricibi apoyo emocional pa procesá e impacto di e tragedia. Esaki pasobra ora cu e personal di rescate a saca e curpa, a resulta cu tabata nan propio ex-colega. Algo hopi dramatico obviamente.