Aeropuertonan Hulandes ta mira crecemento den pasahero y carga

ORANJESTAD – E cinco aeropuertonan principal di Hulanda a registra mas pasahero y carga durante e di dos kwartaal di 2026. Segun cifranan di CBS, un total di 21.2 miyon pasahero a bula for di y pa Hulanda, un aumento di 2.3% compara cu e mes periodo di aña pasa.

Cantidad di carga a crece ainda mas fuerte, cu 15.4%, alcanzando 53,200 ton.

Schiphol a sigui domina e trafico aereo, procesando 86.5% di tur pasahero. Na mes momento, e conflicto den Medio Oriente a causa un caida di mas cu 43% den buelonan pa e region, aumentando demanda pa buelonan directo entre Europa y Asia.

Entre e otro aeropuertonan, Rotterdam The Hague Airport a registra e crecemiento mas grandi den cantidad di pasahero (+6.5%), mientras Maastricht Aachen Airport a registra aumento mas grandi den cantidad di buelonan (+13.8%).

E ocupacion promedio di avionnan di pasahero a subi te 83.4%, comparando cu 80.3% un aña pasa.