Corte na Alemania ta obliga AI paga derecho di autor pa musica

BERLIN – Un tribunal na Alemania a dicta cu e empresa di inteligencia artificial Suno mester paga derecho di autor pa usa cancionnan existente pa entrena su sistema di AI. E decision ta representa un victoria importante pa e organizacion aleman di derecho di autor GEMA.

Segun e tribunal, e musica genera pa Suno ta mustra hopi pareu cu melodia, harmonia y ritmo di cancionnan cu ta proteha pa derecho di autor. GEMA a argumenta cu Suno a entrena su AI cu e composicionnan sin permiso ni compensacion.

Ainda no a wordo determina con Suno lo mester paga e derecho di autor, y e compania por presenta un apelacion. Segun GEMA, esaki ta e prome sentencia den Europa cu ta confirma cu companianan di AI mester paga pa usa musica existente pa entrena nan sistema.