Cu ayudo di ATA, Aruba ta presenta su mes como destino sigur y inclusivo pa turista LGBTQ+

ORANJESTAD – Aruba ta wordo promociona internacionalmente como un di e destinacionnan mas inclusivo y sigur den Caribe pa comunidad LGBTQ+. Den un articulo promocional traha den colaboracion cu Aruba Tourism Authority, e isla ta destaca su progreso den igualdad y hospitalidad.

E publicacion ta pone enfoke riba e legalisacion di matrimonio entre persona di mes sexo na 2024, despues di un decision di Hoge Raad di Hulanda, como un paso importante pa fortalece reputacion di Aruba como un destino habri y respetuoso.

Ademas di su beachnan reconoci mundialmente, Aruba ta destaca tambe su naturaleza, cultura, bida nocturno, y e hecho cu ta ocupa e prome luga den indice di seguridad di Caribe. Hotelnan cu certificacion special pa inclusividad y un ambiente acogedor ta forma parti di e campaña pa atrae mas bishitante LGBTQ+.

Segun e publicacion, Aruba ta ofrece un experiencia unda bishitantenan por sinti nan mes bonbini y sigur durante nan vacacion. NOTA. e potret ta un dramatisacion crea pa AI, y no ta uno real.