JetZero ta desaroya avion revolucionario cu menos consumo di combustible

WASHINGTON – E compania mericano JetZero ta trahando riba un avion di futuro cu un diseño completamente nobo, cu ta usa aproximadamente 30% menos kerosin cu avionnan tradicional. E prome buelo di prueba ta programa pa 2027.

E avion lo tin un forma similar na un manta ray, cu cuater rij, capacidad pa 250 pasahero y pantayanan digital na luga di bentana tradicional. Segun e fabricante, e diseño nobo lo haci e avion bira mas eficiente y por bula te 9.000 kilometro.

JetZero a ricibi mas di 3 biyon dolar na prestamo y subsidio di gobierno Mericano, mientras companianan aereo grandi, incluyendo Delta Air Lines, a coloca pedido anticipa, suheto na exito di e pruebanan y certificacion oficial.

Si e proyecto logra, e por representa e cambio mas grandi den diseño di avion comercial den decenianan.