Merca ta lansa atakenan nobo riba Iran despues di varios dia di calma

WASHINGTON –Merca a reanuda su atakenan aereo riba diferente blanconan militar den Iran, pa prome biaha for di diabierna. Segun militar Mericano, e operacion tabata un reaccion fuerte riba reciente atakenan cu Iran a lansa contra base militar Mericano den e region.

E atakenan a enfoca riba centro di comando, posicionnan di misil, drone y radar relaciona cu e Guardia Revolucionario Islamico. Iran ta afirma cu tambe algun sitio civil a wordo toca.

Autoridadnan Irani ta informa cu cuater miembro di e Guardia Revolucionario a perde nan bida. Den mes tempo, Iran a confirma cu recientemente a lansa misilenan riba base militar Mericano na Jordania, aunke Merca ta bisa cu tur a wordo intercepta.

Tambe a wordo reporta un atake cu drone riba un buque di gas Mericano den porto di Damietta, Egipto. Ainda no ta cla ken ta responsable pa e atake.