Pasahero ta intenta pasa cu python den su BH na Schiphol

SCHIPHOL – Un muhe canadiense a purba subi abordo di un avion for di Schiphol cu un python scondi den su BH. E colebra a wordo descubri durante un control di seguridad.

Autoridad Hulandes pa Seguridad di Cuminda y Producto (NVWA) a informa riba Instagram cu e pasahero a bisa cu el a haya e python banda di un hotel na Amsterdam. Sinembargo, e oficialnan di investigacion no a kere e version ey.

Segun NVWA, e inspectornan a confisca e animal y a traha un prosesverbal contra e pasahero. Awor e python ta den un centro specialisa pa cuido di animalnan, unda ta wordo atende.