15 herido den choke entre dos tram riba Erasmusbrug na Rotterdam

ROTTERDAM – Un accidente entre dos tram riba Erasmusbrug na Rotterdam a laga por lo menos 15 persona herido, di cual un ta den estado grave. Cinco herido a wordo transporta pa hospital, mientras cu e otronan a ricibi tratamiento na e lugar y por a bai cas.E accidente a sosode rond di 11:10 di mainta ora un tram cu tabata para riba e brug a wordo impacta fuertemente pa un di dos tram cu tabata bin for di mes direccion. Segun e prome informacion, e di dos tram a dal e prome sin cu aparentemente a brake, causando cu un di e tramnan a sali for di e rail.E persona cu a resulta gravemente herido a keda atrapa den e tram, pero despues a wordo libera pa e ekiponan di rescate.Autoridadnan ainda no sa kico a causa e accidente. Compania di transporte RET a expresa nan preocupacion pa e victimanan y a confirma cu e tramnan ta ekipa cu un sistema di emergencia cu ta para automaticamente ora e conductor no mantene e control necesario.Debi na e accidente, Erasmusbrug a keda cera temporalmente pa trafico y servicio di tram riba e brug a wordo suspendi.