Gobierno di Corsou: No tin tanker legalmente registra cu a wordo intercepta

WILLEMSTAD – Gobierno di Corsou a aclara oficialmente cu no tin ningun tanker di petroleo cu ta navega legalmente bou bandera di Corsou cu a wordo intercepta door di Merca den Strait of Hormuz.

Segun Gobierno, e informacion cu a aparece den un medio hulandes probablemente ta referi na tankernan cu ta forma parti di e asina yama "dark fleet", barco cu ta opera bou di banderanan falso of ilegal pa evita sancionnan y controlnan internacional.

Gobierno a enfatisa cu tur asunto relaciona cu nacionalidad di barkonan, registro di bandera y relacionnan huridico maritimo den Reino Hulandes ta un responsabilidad di Reino Hulandes.

P'esei, cualkier investigacion tocante posible abuso di registro of falsificacion di bandera ta den man di e autoridadnan competente di Reino.

Te na momento di e comunicado, no tin ningun evidencia cu un barco legalmente registra na Corsou ta envolvi den e incidente menciona den e articulo.