Mortalidad di baby na Corsou ta sigui hopi mas halto cu na Hulanda

WILLEMSTAD – Mortalidad di muchanan bou di un aña na Corsou a keda practicamente igual na 2025 y ta sigui mas di tres biaha mas halto cu na Hulanda. Segun e portal curacao.nu dato di Centraal Bureau voor de Statistiek (CBS), 12 baby a fayece prome cu nan a cumpli un aña, loke ta equivalé na 11,7 morto pa cada 1.000 nasemento bibu. Na Hulanda, e cifra mas reciente ta 3,3 pa cada 1.000.

Aunke e cantidad di fayecimento a baha levemente compara cu 2024, e tasa a keda casi igual pa motibo cu tambe tabatin menos nasemento. E raport no ta indica e causanan specifico di e fayecimentonan, pero dato anterior ta mustra cu parto prematuro, peso abou na nacemento y complicacionnan durante embarazo of parto ta entre e factor principalnan. Compara cu otro paisnan den Caribe, Corsou ta registra un tasa mas abou cu e promedio regional.