Scuadron nobo di Defensa hulandes ta asumi rotacion den Caribe

WILLEMSTAD – Dialuna, 13 di juli 2026, Scuadron di Rotacion 51 di Defensa a entrega su tareanan oficialmente na Skuadron di Rotacion 52 durante un ceremonia militar na Corsou. Durante e ceremonia tradicional di entrega di rema, Kapitan Luc a asumi e mando for di Kapitan Marnix. E unidad nobo lo ta entrena y opera den region di Caribe durante e siguiente seis luna.

MIRANDO BEK RIBA UN PERIODO INTENSIVO

Despues di casi cinco luna den Caribe, Kapitan Marnix ta mira bek cu orguyo riba e desaroyo di Scuadron Bravo/Stier. Durante e periodo aki, e unidad a haci entrenamentonan amplio na Corsou, Bonaire, Aruba y tambe na Merca. E soldadnan a traha riba nan desaroyo fisico y mental, liderato y habilidadnan militar.

Pa medio di diferente ehercicio, e compania a logra progreso den su capacidad como un unidad di combate. E pelotonnan a ehecuta varios mision, sosteni pa specialistanan manera francotiradornan, patruya di mortero y sistemanan no tripula. E entrenamentonan aki a contribui na e desaroyo continuo di e soldadonan y na e preparacion operacional di e unidad.

Tambe e scuadron a colabora cu militarnan di Caribe (CARMIL) y otro unidadnan bou di Comandante di Forzanan Naval den Region Caribe (CZMCARIB). Apesar di diferencia den experiencia y metodonan di trabou, nan a entrena hunto pa fortalece seguridad y stabilidad den e parti caribense di Reino.

SKUADRON NOBO TA CUMINSA DESPLIEGUE DEN CARIBE

Scuadron Delta/Ratel di e 44 Batayon di Infanteria Blindado (Regimento Infanteria Prins Johan Willem Friso) ta participa pa prome biaha den un rotacion den Caribe. Kapitan Luc ta mira cu entusiasmo pa e periodo cu ta bin y e oportunidadnan pa su unidad entrena den un clima y tereno diferente.

E scuadron ta forma parti di e 43 Brigada Mecanisa cu sede na Havelte. Normalmente e unidad ta opera cu e vehiculo cu wiel "Fennek". Durante su despliegue den Caribe, sinembargo, e enfasis principal lo ta riba operacionnan na pia. E scuadron ta wordo reforsa cu capacidadnan medico di e 43 Skuadron Medico y capacidadnan specialisa di e 11 Batayon Blindado di Ingeniero.

Ademas di ehecuta misionnan pa CZMCARIB, e unidad lo sigui cu su propio programa di entrenamento. E meta ta pa fortalece ainda mas su preparacion operacional y prepara pa futuro despliegue.

Ehercito Real Hulandes tin  un skuadron desplega permanentemente den Region Caribe. For di e rotacion 2026-2, cada despliegue lo dura seis luna. Esaki ta reduci e carga logistico y ta duna e unidad mas tempo pa colabora cu partnernan local y conoce mihor e circunstancianan local. Durante e siguiente lunanan, e scuadron lo ta ehecuta diferente tarea bou di encargo di CZMCARIB y lo entrena na Aruba, Bonaire y Corsou.