Homber asesina cu varios tiro na Zegu na Corsou

WILLEMSTAD – Un homber a perde su bida durante un tiroteo cu a tuma lugar den e oranan tempran di awe mainta na altura di e rotonda di Zegu, na Corsou.

Segun informacion preliminar, polis a ricibi un notificacion di un tiroteo y, ora agentenan a yega na e lugar, nan a topa e victima benta riba tera sin señal di bida. E homber tabata cu varios impacto di bala, loke finalmente a costa dje su bida.

Polis a cera e area pa permiti cu e investigacion forense por wordo haci. Na e escena di e crimen a wordo descubri un cantidad grandi di huls di bala. Informacion inicial ta indica cu por lo menos 31 huls di bala a wordo recupera.

Autoridadnan ainda no a divulga identidad di e victima ni motibo di e tiroteo. E investigacion ta sigui na pleno andamento.

NoticiaCla lo sigui informa tan pronto cu tin mas informacion oficial.