- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
Organisacionnan local y internacional uni pa sterilisacion gratis di cacho y pushi
ORANJESTAD – Organisacionnan Luna Foundation Aruba, Crossroads Animal Aid, Paws United y Stimami Sterilisami Foundation a organiza un campaña di sterilisacion y castracion gratis na Scol Graf von Zinzendorf, cu meta di reduci e cantidad di cacho y pushi di caya y promove bienestar di bestia na Aruba.
Danki na un grupo di 55 veterinario, tecnico y boluntario for di Merca, centenares di cacho y pushi a haya sterilisacion, control medico y tratamentonan pa problema manera bichi, infeccion y heridanan. Stimami Sterilisami Foundation a cubri e gastonan di remedinan, permitiendo cu e tratamentonan tabata completamente gratis.
Segun Karyn Franz, fundador di Crossroads Animal Aid, e iniciativa ta enfoca riba control responsabel di poblacion di bestia y preveni cu mas cacho y pushi termina biba riba caya. Veterinario Kelly Reagan a indica cu e team americano tin experiencia den realisa hopi operacionnan den poco tempo y ta orgulloso di por comparti nan conocemento cu Aruba.
Zoey Konijn, di Luna Foundation Aruba, a bisa cu e meta principal ta logra cu menos animal ta biba riba caya y mas mascota haya un cas sigur cu un doño responsabel. Segun e, colaboracion entre organisacionnan local y internacional ta haci posible pa brinda cuido medico esencial na hopi animal y crea un impacto positivo duradero.
E campaña a pone enfasis riba e importancia di sterilisacion como un di e medio mas efectivo pa controla e poblacion di cacho y pushi di caya y sigui mehora bienestar di bestianan na Aruba.