Na Corsou, peaton ta bira e di 7 di trafico pa 2026

WILLEMSTAD – Un peaton a perde su bida diasabra anochi despues di un accidente di trafico grave riba Rooseveltweg, banda di un garage na Paradijs.

Segun informacion preliminar, e peaton tabata cruzando caminda y a para den mitar di e via promé cu sigui cruzando. Un chauffeur cu tabata acercando a logra mira e persona na tempo y a bira pa drechi pa evita un impacto.

Sin embargo, e auto cu tabata sigui tras di dje no a nota e peaton y a dal'e. Cu e impacto, e victima a wordo lansa pa e otro banda di caminda, unda un auto cu tabata bin for di direccion opuesto no por a evita e colision y a pasa riba e persona.

Personal di ambulance a yega rapidamente, pero desgraciadamente no por a haci nada mas pa salva e victima. E conductora di e segundo auto, un señora di edad avansa, a drenta estado di shock y a ricibi asistencia medico na e sitio.

Rooseveltweg a wordo sera temporalmente pa permiti polis investiga e causa di e accidente, loke a ocasiona congestion serio den trafico.

Cu e tragedia aki, e cantidad di victimanan fatal den trafico na Corsou a subi na siete pa lo cu ta bai di aña.