Fanaticonan ta colecta placa pa estatua di Eloy Room: ‘Esaki no ta un chiste’

WILLEMSTAD - Un simpatisante di e seleccion nacional di Corsou a inicia un campaña pa colecta fondo pa construi un estatua di e portero di Corsou, Eloy Room. Asina e portal hulandes Hart van Nederland ta raporta. E accion ta sigui despues di e partido historico di Mundial contra Ecuador, unda Room a converti den e gran heroe di Corsou. Despues di e encuentro, e portero a haci un comentario cu e “  merece un estatua na Corsou”. Awor, fanaticonan ta spera di haci e comentario bira realidad.

Room a hunga un papel decisivo den e prome punto di Mundial den historia di Corsou. E portero a mantene su ekipo den partido cu un serie di salvadanan  spectacular durante e encuentro contra Ecuador, cu a termina den un empate 0-0. Segun e iniciador di e campaña, despues di e partido Room a wordo nombra como e mihor hungador di e encuentro.

E portero ta mira bek cu satisfaccion riba e partido di Mundial y tambe a logra un record personal durante e torneo.

Segun e iniciador di e accion, Jayden, e campaña no ta solamente tocante e prestacion deportivo di Room. Despues di e pitaso final, e portero a halsa un camiseta na memoria di su ex-compañero di ekipo fayeci, Jairzinho Pieter.

Door di e campaña di recaudacion, simpatisanten y curasoleñonan rond mundo por contribui pa haci e statua realidad. Segun Jayden, e monumento mester representa orguyo, perseverancia y e creencia cu hasta pa un isla chikito, soñonan grandi por bira realidad.

E meta di e campaña ta pa reuni un total di 15.000 dollar pa realiza e monumento. Jayden ta spera cu e iniciativa lo haya suficiente apoyo pa honra uno di e momentonan mas memorable den historia di futbol di Corsou.