Messi ta bira maximo goleador den historia di Mundial cu 17 gol

HOUSTON - Lionel Messi a pone un otro record di Mundial riba su nomber. E astro argentino, cu lo celebra su cumpleaños numero 39 diahuebs, a score su gol numero 17 den Copa Mundial durante e partido di grupo contra Austria, convirtiendo dje den e maximo goleador den historia di e torneo.

Messi a score e gol na minuut 38 pa pone Argentina dilanti 1-0. Cu e anotacion ey, e a supera ex-hungador aleman Miroslav Klose, cu tabata comparte e record cu 16 gol den Mundial. Curiosamente, Messi a perde un penal na minuut 9 prome cu e logra score.

Durante e prome partido di Argentina contra Algeria siman pasa, Messi a score un hattrick cu cual e la iguala e record di Klose.

Messi a score su prome gol den un Mundial dia 16 di juni 2006, ora cu e tabata apenas 18 aña y a marca den e victoria 6-0 contra Serbia and Montenegro.

Mientrastanto, e portugues Cristiano Ronaldo tambe ta participando den su sexto Mundial. Sinembargo, Messi no ta completamente seguro di su posicion na futuro. E frances Kylian Mbappé, cu tin 14 gol den Mundial y apenas 27 aña, ta sigui cerca di e record. Mbappé a score dos gol den e actual Mundial contra Senegal y ta considera como e principal candidato pa eventualmente supera e marca historico di Messi. E partido mes a caba 2-0 pa Argentina cu Messi anotando un gol mas.