ATA: Aruba ta atrae mas turista cu entrada anual di USD 150 mil y mas

ORANJESTAD - Datonan presenta durante e reunionnan ta indica cu Aruba ta logrando atraha cada bes mas turista cu entrada anual halto, incluyendo segmento nan cu ta gana mas cu USD 150 mil y USD 250 mil pa aña. Segun A.T.A., e tipo di bishitante aki generalmente ta contribui mas na economia local mientras cu e impacto riba infraestructura y medio ambiente ta mas controla.

CEO di A.T.A., Ronella Croes, y e ekipo di Norte America a presenta e prioridadnan pa 2027, enfatizando cu e vision di “Aruba Dushi pa Biba y Dushi pa Bishita” ta sigui guia tur decisionnan estrategico. E meta ta no solamente aumenta demanda, pero tambe proteha calidad di bida local y garantiza un desarrollo turistico sostenibel.

Durante e sesionnan tambe a analiza tendencia nan reciente den industria di biahe, investigacion di mercado, innovacion digital y e rol creciente di Artificial Intelligence (AI) den mercadeo turistico. Ademas, a comparti actualisacionnan tocante aruba.com, cu ta keda un hermenta clave den e experiencia digital di potencial visitante nan.