Messi ta iguala record mundial di goleador, pero ta surgi pregunta riba posible carchi cora

BUENOS AIRES – Lionel Messi a haci historia atrobe durante e partido inaugural di Mundial 2026 despues cu e a marca un hattrick den victoria di Argentina contra Argelia. Cu e tres golnan, e astro Argentino awo ta comparti e record como maximo goleador den historia di Mundial.

Sinembargo, despues di e partido, hopi atencion a concentra riba un incidente den prome mitar di wega. Na minuut 31, poco despues di marca su prome gol, Messi a pisa e capitano di Argelia, Aïssa Mandi, na su kuit (parti patras di su pia)  durante un entrada for di patras.

E arbitro Szymon Marciniak a sanciona e accion cu un falta solamente, mientras VAR no a recomenda un revision. E decision a provoca critica di diferente ex-arbitronan.

Ex-arbitro internacional Dick Jol a declara cu, segun e, e accion merecia un carchi cora directo. Segun Jol, e entrada tabata claramente intencional y peligroso. E tambe a critica VAR pa no interveni apesar di tin varios angulo di camara disponibel.

Otro ex-arbitro, Mario van der Ende, a coincidi cu e accion por a merese expulsion, señalando cu e entrada por a causa un lesion serio.