Bucatini a presenta su sabor autentico italiano pa prensa local na Joia Aruba by Iberostar

(ADVERTORIAL)

ORANJESTAD - Durante un anochi special cu prensa local, Executive Chef Ludwich Samson di Joia Aruba by Iberostar a presenta e concepto di Bucatini, e restaurante italiano cu ta enfoca riba gastronomia autentico italiano den un ambiente eleganto y refina.

EXPERIENCIA CULINARIO UNICO 

Segun Chef Samson, e meta principal di e actividad tabata pa presenta Bucatini na comunidad di Aruba y laga hende conoce e experiencia culinario unico cu e restaurant ta ofrece. “Nos kier pa pueblo di Aruba conoce Bucatini. E anochi aki ta un journey culinario cu diferente plato cu ta representa nos concepto, acompaña pa biña y cocktailnan italiano. Nos kier laga hende conoce nos y disfruta di loke nos tin pa ofrece,” Samson a splica.

RUSTICO PERO REFINA

Bucatini ta ofrece cuminda puramente italiana, inspira den un estilo rustico pero refina. “Ta un concepto hopi fini y elegante, crea pa tur hende cu ta busca un experiencia culinario special,” e chef a indica. E restaurant ta habri exclusivamente pa cena. Huespednan y bishitantenan local por disfruta di e menu for di 5:30 di atardi te cu 11:00 di anochi.

PLATO FABORITO DI E CHEF

Ora cu a puntra e chef tocante su plato favorito, Chef Samson a menciona cu e risotto di mushroom cu truffle ta un di e recomendacionnan principal. “E risotto di mushroom cu truffle ta realmente espectacular. Ademas, nos pizzanan ta di calidad halto, prepara cu ingrediente premium. Nos diferente pasta nan tambe ta excelente,” e la comenta. Chef Samson tambe a invita e comunidad pa descubri e famoso antipasta table di Bucatini. “Check out nos antipasta table. Ta manera un mercado italiano chikito, yen di diferente tipo di carni, keshinan y fruta. Ta algo realmente especial y diferente,” e chef a conclui. Cu su mezcla di sabor autentico, ingrediente di calidad y ambiente elegante, Bucatini ta busca pa bira un di e destinacionnan culinario preferi pa amante di cuminda italiano na Aruba.