- Investigacion den caso di agresion na Ponton ta resulta den tres detencion adicional
- Mexico ta habri Mundial cu victoria riba Sur Africa den partido cu tres carchi cora
- SETAR ta organisa e Copa Gubernamental 2026
- Arnhem: “Ta presidente di SPA mes ta e persona cu no a atende invitacionan pa consulta!”
- Analisis: Caso Mero ta pone Mike de Meza na un cruzada decisivo
- Investigacion den caso di agresion na Ponton ta resulta den tres detencion adicional
- Mexico ta habri Mundial cu victoria riba Sur Africa den partido cu tres carchi cora
- SETAR ta organisa e Copa Gubernamental 2026
- Arnhem: “Ta presidente di SPA mes ta e persona cu no a atende invitacionan pa consulta!”
- Analisis: Caso Mero ta pone Mike de Meza na un cruzada decisivo
Investigacion den caso di agresion na Ponton ta resulta den tres detencion adicional
ORANJESTAD – E investigacion den e casonan di agresion cu a sosode diaranson anochi, 3 di juni 2026, na Ponton, a conduci na tres detencion mas. Detectivenan di Departamento di Jeugd y Zeden Polis (JZP) a continua trahando intensamente riba e caso y a logra pone man riba sospechosonan adicional.
E detencionnan a tuma luga entre ayera y awe. Entre e sospechosonan deteni tin dos mucha muher: un di fam D., naci na Aruba y di 17 aña, y otro di fam M., naci na Aruba y di 19 aña. Segun polis, e dos mucha muhernan ta relaciona cu ambos incidente di agresion.
Ademas, polis a detene un homber di fam A., naci na Aruba y di 18 aña. E sospechoso aki ta relaciona especificamente cu e caso di agresion cu a tuma luga na Seroe Patrishi.
E investigacion ta continua y polis no ta exclui mas detencion den e caso.
Cuerpo Policial Aruba ta haci un yamada na comunidad pa coopera cu e investigacion. Hende cu a mira algo sospechoso, sa algo of tin informacion relevante, por contacta e TIPLIJN 11141. Polis ta garantiza cu tur informacion lo wordo trata den confidencialidad y cu e informante lo keda completamente anonimo.