- SETAR ta introduci su solucion nobo SETAR Fleet Management den colaboracion cu Geotab
- Abogado di R. Wever “Cliente a actua segun instruccion directo di (ex) minister Otmar Oduber”
- Alberto: “Si nos no ta consciente di e pasado, nos no por kibra e patronnan negativo”
- Comite di Pasado di Sclavitud ta enfoca riba conciencia, conmemoracion y transmision di conocemento
- Dowers: Scarsedad di personal na Recherche ta haya atencion prioritario
- SETAR ta introduci su solucion nobo SETAR Fleet Management den colaboracion cu Geotab
- Abogado di R. Wever “Cliente a actua segun instruccion directo di (ex) minister Otmar Oduber”
- Alberto: “Si nos no ta consciente di e pasado, nos no por kibra e patronnan negativo”
- Comite di Pasado di Sclavitud ta enfoca riba conciencia, conmemoracion y transmision di conocemento
- Dowers: Scarsedad di personal na Recherche ta haya atencion prioritario
FIFA ta prohibi fanaticonan di trece botter di awa den stadionnan di Copa Mundial
ORANJESTAD – FIFA a haci un cambio di ultimo momento den su reglamentonan pa prohibi fanaticonan di trece botternan reusabel di awa den tur 16 stadion cu lo hospeda partidonan di Copa Mundial 2026 na Merca, Mexico y Canada.
E decision a provoca critica di diferente grupo di fanaticonan, especialmente di Inglaterra, cu a bisa cu FIFA anteriormente a asegura cu partidarionan lo por trece botter bashi pa yena cu awa gratis disponible den stadion, especialmente considerando cu e torneo lo wordo huga den condicionnan di calor extremo.
Grupo di fanaticonan ingles Free Lions a expresa preocupacion y a bisa cu hopi simpatisante ta mira e medida como un forma adicional pa genera entrada, considerando cu Coca-Cola ta e proveedor exclusivo di awa y otro bebida den e stadion durante e torneo.
Anteriormente, reglamentonan di FIFA ta permiti fanaticonan di trece un botter transparente reusabel cu capacidad di te un litro. Sinembargo, un actualisacion publica e siman aki a aclara cu ningun tipo di botter reusabel lo wordo permiti den stadion.
FIFA a defende e decision, indicando cu e medida ta enfoca riba seguridad y ta evita cu botternan por wordo usa como proyectil contra hungadornan of otro asistente. Segun FIFA, algun stadion ya tabata aplicando un prohibicion similar, y pa e motibo ey a dicidi implementa e regla den tur stadion.
Cu temperatura cu por supera 32 grado Celsius den varios ciudad anfitrion, FIFA a anuncia cu lo tin diferente medida pa combati calor, incluyendo stacionnan di awa, ventiladornan, puntonan di hidratacion.
Ademas, FIFA ya a confirma cu tur partido lo inclui un pausa obligatorio pa bebida den mitar di cada tempo pa proteha salud di hungadornan. Sinembargo, criticonan ta cuestiona e contradiccion entre e preocupacion pa bienestar di hungadornan y e decision di limita acceso di fanaticonan na botternan di awa.
Expertonan di clima di World Weather Attribution (WWA) a adverti recientemente cu tanto hungadornan como fanaticonan por enfrenta riesgo significativo debido na calor extremo durante algun di e 104 partidonan di Copa Mundial 2026. Segun nan calculonan, nuebe partido por wordo huga bou di condicionnan considera como potencialmente peligroso pa salud humano.