Gobierno hulandes no ta mira motibo pa prohibi artista ‘Ye’ di drenta Hulanda

DEN HAAG – Gobierno hulandes no ta mira motibo legal pa prohibi rapper americano Ye (Kayne West) di drenta Hulanda pa su conciertonan programa dia 6 y 8 di juni na Arnhem.

Minister di Asilo y Migracion a declara cu, aunke a condena e declaracionnan antisemitico cu Ye a haci den pasado, actualmente no tin razon suficiente pa neng’e di entrada, diferente di Reino Uni cu anteriormente a tuma accion contra e artista.

Autoridadnan local na Arnhem tambe a confirma cu permiso pa e conciertonan na GelreDome ya a wordo aproba y cu tur medida di seguridad y orden publico ta bon regla.

Un mayoria den Tweede Kamer anteriormente a sostene un mocion pa prohibi su bishita, pero Gobierno hulandes ta indica cu mester sigui reglanan europeo di Schengen.

Segun e minister, solamente si e situacion cambia of tin motibo nobo, e conciertonan posiblemente lo wordo cancela.