Frimpong a keda afo di seleccion di Hulanda pa Mundial; Depay y Timber si ta bay

ZEIST – Entrenador nacional di Hulanda, Ronald Koeman, a anuncia e seleccion provisional di e seleccion Oranje di Hulanda pa Copa Mundial di Futbol, y un di e sorpresa mas grandi ta cu Jeremie Frimpong no a haya un luga den e grupo. Frimpong, cu actualmente ta hunga pa Liverpool F.C., regularmente tabata haya minuutnan cu Oranje den e ultimo añanan, pero awor e la keda afo di e lista. Di otro banda, Marten de Roon ta haci su regreso despues di mas cu dos aña afo di seleccion. E midfielder di Atalanta BC a logra convence Koeman cu un temporada fuerte den Italia, apesar cu anteriormente entrenador a bisa cu el kier a sigui cu hungadornan mas hoben. Tambe Memphis Depay y Jurriën Timber a wordo inclui den e seleccion, aunke nan condicion fisico tabata causa duda den e ultimo simannan pa motibo di lesion. Depay recientemente a bolbe hunga pa su club Sport Club Corinthians Paulista, mientras Timber ainda ta luchando cu un lesion persistente. Otro hungadornan importante manera Matthijs de Ligt, Xavi Simons y Jerdy Schouten no lo participa den Mundial pa motibo di lesionnan.

Hulanda lo cuminsa su campaña mundialista dia 14 di juni na Dallas contra Japan. Despues nan lo enfrenta Suecia na Houston y finalmente Tunisia   na Kansas City den fase di grupo.

SELECCION DI ORANJE PA COPA MUNDIAL

Goalkeepers: Bart Verbruggen, Mark Flekken, Robin Roefs

Defensornan: Virgil van Dijk, Denzel Dumfries, Jurriën Timber, Jan Paul van Hecke, Micky van de Ven, Nathan Aké, Jorrel Hato

Mediocampistanan: Frenkie de Jong, Tijjani Reijnders, Ryan Gravenberch, Teun Koopmeiners, Quinten Timber, Justin Kluivert, Guus Til, Marten de Roon, Mats Wieffer

Atakantenan: Memphis Depay, Cody Gakpo, Donyell Malen, Wout Weghorst, Brian Brobbey, Noa Lang, Crysencio Summerville