Seleccion di Corsou a haya recibimento spectacular na Hulanda rumbo pa Mundial 2026

NOORDWIJK – Seleccion nacional di futbol di Corsou  a wordo ricibi cu hopi emocion, tambor, instrumento di musica y balon blauw y geel na hotel Huis ter Duin na Noordwijk aan Zee, unda nan ta prepara pa Mundial 2026 den Merca, Mexico y Canada.

Entrenador Dick Advocaat a bolbe cu e team despues cu tabatin confusion tocante cambio di entrenador entre e  y Fred Rutten. Finalmente, e asunto a wordo laga atras y tur enfoke awor ta riba Mundial.

Hungador Kenji Gorré a expresa su emocion ora e la yega na hotel. Segun e , “nos a cuminsa” y e experiencia ta algo special pa tur hende di Corsou.

Tambe Juninho Bacuna a bisa cu e grupo tin hopi confianza despues di nan clasificacion invicto. El ta kere cu Corsou por surprende den e grupo fuerte cu Alemania, Ecuador y Costa di Marfil.

PSV-hungador Armando Obispo a enfatisa cu “tur cos ta posible” den futbol y cu e equipo mester bay Mundial cu fe y confianza.

Pa hopi di e hungadornan, participacion den Mundial ta un soño cu a bira realidad, no solamente pa nan mes, pero tambe pa nan famia y pa Corsou.