Jetten ta anuncia conferencia anual di Reino cu Aruba, Corsou y Sint Maarten

WILLEMSTAD/DEN HAAG - Lo tin un conferencia anual di Reino unda e cuatro paisnan dentro di Reino Hulandes lo reuni riba base di igualdad pa deliberá hunto. Esaki a wordo anuncia door di prome minister hulandes Rob Jetten durante su bishita na Curaçao.

Hunto cu Aruba y Sint Maarten, Hulanda y Corsou lo reuni e temporada di herfst (October/November)  aki pa papia con pa fortalece e relacionnan mutuo y atende problemanan comun. Sint Maarten caba a ofrece pa organiza e prome conferencia, probablemente na november of december.

Durante un conferencia di prensa hunto cu prome minister di Corsou, Gilmar Pisas, Jetten a bisa cu e conferencia no ta solamente pa papia, pero pa crea un agenda concreto cu acuerdo firme cu por mehora bida di ciudadano nan den tur e paisnan.

Como ehempel, Jetten a menciona produccion di energia na Corsou, un tema importante durante su bishita.