Premier Jetten na Corsou: Reino mester traha mas hunto pa mehora bida di hende

WILLEMSTAD – Prome minister di Hulanda, Rob Jetten, a bisa cu Corsou ta sigui florece y crece, mientras cu e la ricibi un bon binida for di prome minister di Corsou, Gilmar Pisas, durante su ultimo parada di su bishita oficial den Caribe Hulandes.

Durante e reunionnan cu Pisas, e presidente di Staten, miembro di parlamento y conseho di minister, diferente tema actual a pasa den revision. Un di e puntonan principal tabata e tensionnan geopolitico internacional, incluyendo den e region, y e efecto cu nan tin riba e costo di bida pa ciudadano nan.

Otro tema importante tabata e cooperacion gubernamental entre e paisnan den Reino Hulandes. Den e contexto ey, tambe a papia tocante e intencion pa organiza un Conferencia di Reino, cu mester bira un reunion recurente entre e cuatro gobierno nan como partnernan igual dentro di Reino.

Segun Jetten, e conferencia por sirbi como un plataforma pa discuti desaroyonan relevante dentro di Reino, y con e paisnan por traha mas hunto pa aprovecha oportunidadnan cu por mehora bida di hende den tur e paisnan.