Quota International of Aruba ta entrega donacion na fundacionnan local

ORANJESTAD - Quota International of Aruba a organiza su evento anual di donacion, entregando fondo na diferente fundacionnan local cu ta traha pa mehora bida di personanan den comunidad.

E aporte ta sostene iniciativanan relaciona cu cuido di mucha y famia, educacion, salud, conscientisacion social y apoyo pa personanan vulnerabel, incluyendo fundacionnan cu ta yuda hende cu dificultad di oido.

Segun Quota, e donacionnan ta posibel danki na diferente actividadnan di recaudacion di fondo organiza durante aña, como parti di su compromiso pa promove solidaridad y apoyo den Aruba.