CBCS ta lansa monedanan commemorativo pa celebracion di clasificacion di Corsou pa Mundial

AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.

Hungador Juninho Bacuna y ex entrenador Dick Advocaat a haci e prome golpe oficial di e moneda awe mainta. Bou di liderato di Advocaat, Corsou a logra clasifica pa Mundial pa prome biaha den historia.

Segun CBCS, e “Blue Wave” no solamente a conkista veld di futbol, pero tambe curason di pueblo di Corsou. P’esey, banco central a dicidi di immortalisa e momento historico aki cu dos moneda commemorativo.

Riba e monedanan tin imagenan manera un ola blauw, silhouettenan di hungadornan, e streanan di bandera di Corsou y un bala di futbol, simbolisando orguyo, lucha y identidad nacional.

E monedanan lo ta disponible pa final di e luna aki. E moneda di plata di cinco florin lo costa 175 florin, mientras cu e moneda di cincuenta cent lo wordo circula via banconan comercial y tambe lo tin disponible den un empake special pa coleccionista na CBCS.