- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Ted Turner, fundador di CNN a fayece na edad di 87 aña
ATLANTA - E empresario naci na Ohio y cu a cria su imperio mediatico na Atlanta Ted Turner a fayece. Ted Turner tabata conoci pa su personalidad fuerte y directo, cu a duna dje e sobrenomber “The Mouth of the South”.
Na 1 di juni 1980, Turner a lansa CNN, e prome canal di noticia 24 ora nonstop den mundo. E idea revolucionario di trece noticia global den tempo real a cambia pa semper manera television y periodismo tabata opera.
Ademas di CNN, Turner a crea diferente canal popular di pelicula y cartoon, y tabata dueño di equiponan deportivo manera Atlanta Braves. Tambe el tabata un mariner famoso internacionalmente, filantropo y activista cu a funda United Nations Foundation y a lucha pa eliminacion mundial di arma nuclear.
Turner tabata tambe un defensor grandi di naturaleza y medio ambiente. E la yuda reintroduci bisonte den oeste di Merca y hasta a crea e cartoon Captain Planet pa educa muchanan tocante medio ambiente.
Na 1991, revista Time a nombra Turner “Man of the Year” pa su influencia mundial riba noticia y television. Mas despues, el a bende su companianan na Time Warner, pero semper a bisa cu CNN tabata “e logro mas grandi” di su bida.
Mark Thompson, presidente y CEO di CNN Worldwide, a describi Turner como un lider valiente, sin miedo y cu semper tabatin confianza den su propio vision.
Na 2018, poco prome cu su cumpleaños di 80 aña, Turner a revela cu el tabatin Lewy body dementia, un enfermedad progresivo di curpa. Na cuminsamento di 2025, el a wordo hospitalisa cu pneumonia leve, pero despues a recupera.
Ted Turner ta laga atras cinco yiu, 14 nieto y dos bisnieto.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
