- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Rolling Stones ta lansa album nobo yen di energia
NEW YORK – E agrupacion legendario di rock, The Rolling Stones a anuncia nan album number 25, Foreign Tongues, durante un evento especial na New York City. Mick Jagger (82), Keith Richards (82) y Ronnie Wood (78) a presenta e produccion nobo casi tres aña despues di nan ultimo album, demostrando cu apesar di nan edad, nan ainda ta yen di energia y pasion pa musica.
Durante e lanzamento, presentador Conan O’Brien a comenta cu bos di Jagger casi no a cambia desde grabacionnan di 1968. E cantante a responde cu humor, mientras cu e banda a relata con nan a graba 14 cancion den apenas un luna na un studio na London.
E album Foreign Tongues ta inclui colaboracion di artistanan famoso manera Paul McCartney, Steve Winwood y Chad Smith di Red Hot Chili Peppers. Tambe tin grabacionnan di baterista Charlie Watts, cu a morto na 2021.
Promocion di e album a inclui billboardnan, fragmentonan di cancion den social media y un campaña secreto cu WhatsApp y website cu mensaje cryptico. E portada ta mustra e caranan mezcla di Jagger, Richards y Wood, algo cu Mick Jagger mes a describi como “Mr. Ugly”.
The Rolling Stones, cu a cuminza na 1962, a bende mas di 200 miyon album y ta considera uno di e icononan mas grandi den historia di rock. E banda ta insiste cu nan “ainda no a caba” y cu ainda tin sorpresa pa fanaticonan.
Aunke ainda no tin anuncio oficial di un tour nobo, e ultimo mensahe di e banda ta laga fanaticonan cu esperanza cu pronto nan por bolbe mira e legendarionan di rock riba escenario.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
